TATU universitetiga sayohat.
Sana: 05.03.2024
Joriy yilning 5-mart sanasida. TATU akademik litsey talabalari Toshkent Axborot Texnologiyalari Universitetiga tashrif buyurdilar.
- 2024-yil 5-mart kuni Muhammad al-Xorazmiy nomidagi Toshkent axborot texnologiyalari universitetida akademik litsey o'quvchi-yoshlari uchun universitetdagi ta'lim shakli, o'qish tizimi, yaratilayotgan imkoniyatlar bilan tanishish maqsadida uchrashuv va seminarlar tashkil etildi.
- TATU rektori B.Maxkamov hamda o'quv ishlari prorektori Dj.Sultanov yoshlar bilan suhbatlashib, IT sohasiga doir yangi ochilgan markazlar haqida ma'lumot berishdi, yoshlarning qiziqishlari bo'yicha savol-javob qilishdi.
- "Inkubatsiya va akseleratsiya markazi" da olib borilayotgan yangiliklar, o'tkazilayotgan tajribalar haqida ma'lumot olishdi.
- TATU hamda Mobi Uz kompaniyalari hamkorligida tashkil etilgan zamonaviy o'quv laboratoriya xonasi bilan tanishdilar.
- Sport majmuasi va jihozlari bilan tanishishdi. "Besh tashabbus olimpiadasi", "Barkamol avlod" sport musobaqalarida erishilgan yutuqlar rasmlari bilan tanishishdi.
- Universitetning "Kompyuter injiniringi", "Dasturiy injiiring", "Televizion texnologiyalar", "Radio va mobil aloqa" kabi fakultetlari haqida ma'lumotlarga ega bo'lishdi.
- TATU Yevropa, Osiyo va Amerika davlatlarining yetakchi OTMlari bilan hamkorlik o'rnatgan.Shu davrgacha 35 dan ortiq xorijiy mamlakatlarning 150 ta universiteti va 12 dan ziyod ilmiy tadqiqot institutlari bilan hamkorlik olib borilmoqda.
- Talabalarga xizmat ko'rsatish markazi Student Office faoliyati bilan tanishdilar.
- "Kelajak o'z qo'lingda" shiori ostida akademik litsey o'quvchi- yoshlarining OTMlarga sayohati davom etadi...
